Government of Nepal Logo
नेपाल सरकार

जिल्ला प्रशासन कार्यालय, अर्घाखाँची

सन्धिखर्क, अर्घाखाँची

2 महिना अगाडी

2075-06-21


आज मिति २०७५-०६-२१ का दिन प्रमुख जिल्ला अधिकारी श्री खिमराज भुसाल ज्यूको संयोजकत्वमा बसेको जिल्ला स्थित सम्पूर्ण स्थानीय तहका प्रमुख, उपप्रमुख, प्रमुख प्रशासकिय अधिकृत, सुरक्षा निकायका प्रमुख, पत्रकार लगायत सरोकारवालाको बैठकले जिल्लाको शान्ति सुरक्षा, लागूऔषध, मदिरा तथा घरेलुहिंसा नियन्त्रण, सार्वजानिक जग्गाको अतिक्रमण रोकथाम र नियन्त्रण सम्बन्धमा बृहत छलफल गरेको छ । बैठकले मदिरा तथा घरेलुहिंसा नियन्त्रणका लागि गृहमन्त्रालयबाट प्राप्त निर्देशन बमोजिम प्रत्येक स्थानीय तहले आवश्यक कार्ययोजना बनाई कार्यक्रम सञ्‍चालन गर्ने तथा सोको जानकारी जिल्ला प्रशासन कार्यालयमा दिने निर्णय गरेको छ । मदिरा तथा मदिराजन्य वस्तुको सेवनले घरेलु हिंसा लगायतका अपराधिक गतिविधी बढेकोले सोलाई नियन्त्रण गर्न एवं जिल्लाको शान्ति सुरक्षाको अवस्थालाई मध्यनजर राखी जिल्लामा साझ ५ बजेदेखि साझ ९ बजेसम्म मात्र मदिरा बिक्रि वितरण गर्ने व्यवस्था मिलाउने निर्णय गरेको छ त्यसै गरी बैठकमा सार्वजनिक जग्गाको अतिक्रमण रोकथाम र नियन्त्रण सम्बन्धमा गृहमन्त्रालयबाट लेखि आएबमोजिमको सबै स्थानीय तहले समिति गठन गरी सार्वजनिक जग्गाको लगत खडा गर्न र सार्वजनिक जग्गाको अतिक्रमण रोक्न सबै स्थानीय तह दृढताका साथ लाग्ने प्रतिबद्धता व्यक्त गरिएको छ ।