Government of Nepal Logo
नेपाल सरकार
गृह मन्त्रालय

जिल्ला प्रशासन कार्यालय, अर्घाखाँची

सन्धिखर्क, अर्घाखाँची

Visit Nepal 2020 - Ministry of Home Affairs

कार्यालय प्रमुख र सूचना अधिकारीसँग ९ बुँदे प्रतिवद्धता पत्रमा हस्ताक्षर

4 महिना अगाडी

2075-11-12


52605581_2018122374983500_5643349184540049408_n.jpg तस्बिर :

जिल्ला प्रशासन कार्यालय, अर्घाखाँचीको आयोजना र एकिकृत ग्रामिण विकास समाज, सुशासन प्रवर्धनका लागि जिल्ला स्तरीय नागरिक सञ्जाल अर्घाखाँची र पारस्परिक जवाफदेहिता परियोजनाको सहयोग तथा समन्वयमा अर्घाखाँची जिल्लास्थित ४० वटा सरकारी कार्यालयहरुका कार्यालय प्रमुख,  सूचना अधिकारी र सञ्चारकर्मीको सहभागितामा "सुशासन प्रवर्धनका लागि पारदर्शिता" विषयक एकदिवसिय अन्तरक्रिया कार्यक्रम सम्पन्न भयो । सो कार्यक्रममा सरकारी कार्यालयहरुले ३-३ महिनामा स्वत: प्रकाशन गर्नुपर्ने विवरण सम्बन्धमा सहायक प्रमुख जिल्ला अधिकारी श्री बिष्णुराज बेल्बासे र अर्घाखाँची जिल्लास्थित ६ वटा स्थानीय तहहरुको सूचनाको हक कार्यान्वयन सम्बन्धमा एकिकृत ग्रामिण विकास समाजका जिल्ला कार्यक्रम अधिकृत श्री बसन्त श्रेष्ठले कार्यपत्र प्रस्तुत गर्नुभएको थियो । उक्त कार्यक्रममा उठेका सवालहरुको जवाफ दिदै प्रमुख जिल्ला अधिकारी श्री प्रेमलाल लामिछानेले अर्घाखाँची जिल्लालाई सुशासन प्रवर्धनमा उदाहरणीय जिल्ला बनाउने प्रयास गर्न आग्रह गर्नु भयो । प्रचलित ऐनले तोके भन्दा बढी सूचनाहरु गोप्य राख्नुपर्ने अवस्था नरहेको भन्दै सबै नागरिक सरोकारवाला भएकोले सबै नागरिकको सूचनामा सहज पहुँच हुनुपर्ने बताउनुभयो ।

सम्पूर्ण कार्यालयका कार्यालय प्रमुख, सूचना अधिकारी र सञ्चारकर्मीहरुले छलफल पश्चात ९ बुँदे प्रतिवद्धता पत्रमा हस्ताक्षर गर्नुभयो ।

उक्त कार्यक्रम ग्रामिण विकास समाजका जिल्ला कार्यक्रम अधिकृत श्री बसन्त श्रेष्ठको सञ्चालन, पारस्परिक जवाफदेहिता परियोजनाका अध्यक्ष श्री हृदय भुसालको स्वागत मन्तव्य र प्रमुख जिल्ला अधिकारी श्री प्रेमलाल लामिछानेको अध्यक्षतामा सम्पन्न भएको थियो ।