मालारानी गाउँपालिकाको रनतमारेमा एकिकृत घुम्ति सेवा शिविर सम्पन्न

२०७६-०१-२२ २०७६-०१-२२

जिल्ला प्रशासन कार्यालय अर्घाखाँचीको आयोजना तथा मालारानी गाँउपालिकाको सहयोग र समन्वयमा यहि मिति २०७६।०१।२१ गते मालारानी गाँउपालिकाको रतनमारे स्थित सिद्धार्थ माध्यामिक विद्यालयको प्रांगणमा एक दिवसीय एकिकृत घुम्ति सेवा शिविर सम्पन्न भएको छ । जिल्ला प्रशासन कार्यालय, जिल्ला प्रहरी कार्यालय, जिल्ला निर्वाचन कार्यालय, अर्घाखाँची अस्पताल, अर्घाखाँची आयुर्वेद केन्द्र, आँखा उपचार केन्द्र सहितका जिल्ला स्थित विभिन्न कार्यालय र मालारानी गाँउपालिकाको कार्यालय लगायतका कार्यालयको सहभागिता रहेको उक्त एकिकृत घुम्ति सेवा शिविरमा २,००० जना भन्दा बढि नागरिकहरूले विभिन्न कार्यालयबाट प्रत्यक्ष सेवा प्राप्त गरेका थिए । विभिन्न निकायहरूबाट प्रदान गरिएको सेवाप्रबाहको विवरण देहाय बमोजिम रहेको छ ।

एकिकृत घुम्ती सेवा शिविरमा प्रदान गरिएको सेवा प्रवाहको विवरण

क्र. स.	कार्यालय	कार्यविवरण	कार्यप्रगति
१.	जिल्ला प्रशासन कार्यालय	नागरिकता वितरण	१४८
२.	अर्घाखाँची अस्पताल	निशुल्क स्वास्थ्य सेवा	६९४
३.	स्वास्थ्य कार्यालय	पाठेघर खस्ने समस्या तथा पाठेघरमा रिङ्ग पेशरी राख्‍ने	३२
३.	स्वास्थ्य कार्यालय	पाठेघरको मुखको क्यान्सर तथा फिस्टुलाको निःशुल्क स्क्रिनिङ्ग	२२
४.	अर्घाखाँची आयुर्वेद स्वास्थ्य केन्द्र	निःशुल्क स्वास्थ्य सेवा	४६३
४.	अर्घाखाँची आयुर्वेद स्वास्थ्य केन्द्र	सुगर रोग परीक्षण सेवा	२८
५.	आँखा उपचार केन्द्र	निःशुल्क आँखा स्वास्थ्य सेवा	३९१
६.	जिल्ला निर्वाचन कार्यालय	फोटो सहितको मतदाता नामावली सङ्कलन	१८७
७.	जिल्ला प्रशासन कार्यालय र जिल्ला प्रहरी कार्यालय	लागू औषध तथा मदिरा नियन्त्रण, लैङ्गिक हिंसा विरूद्ध सचेतना अभियान लगायतका विषयमा अनुशिक्षण	सम्पन्न
८.	मालारानी गाउँपालिका	अपाङ्गता परिचयपत्र वितरण	३१
९.	मानव अङ्ग प्रत्यारोपण केन्द्र	मुटुको इ.सि.जि. र ब्लड सुगर परीक्षण	१०५